Pipul de tek di wod ‘Naija’ tek kol di nem of plenti difren-difren tin. Som taim dem go yuz di nem ‘Naija’ tek tel yu di nem of di langwej we dem de kol ‘Pijin’ kom rich tude. Som taim pipul go yuz di wod ‘Naija’ as di nem of won kontri dem de kol ‘Naijiria’ kom rich tude. Bot bifo eni langwej bin dey we kari di nem ‘Pijin’ o ‘Naija’ and bifo eni kontri bin dey we kari di nem‘Naija’ o ‘Naijiria’, for som Afrika langwej sef, pipul bin don de yus dis wod ‘Naija’ finish de tek kol di nem of won ‘mama of evri riva’. Dis ‘mama of evri riva’ na di Riva Naija we de enta Naijiria from Kebbi for west de ron go ist join di Riva Benue for Lokoja, and afta, de ron go saut sote im rich Atlantik solt wota komot for Bini and Pitakwa.

People de take the word ‘Naija’ take call the name of plenti different-different thing. Some time them go use the word ‘Naija’ take tell you the name of the language wey them de call ‘Pidjin’ come reach today. Some time people go use the word ‘Naija’ as the name of one country wey them de call  ‘Nigeria’ come reach today. But before any language been dey wey  carry the name ‘Pidjin’ or Naija’, and before any country been dey wey carry the name ‘Naija’ or ‘Nigeria’, for some Africa language self, people been done de use this word ‘Naija’ finish for take call the name of one ‘mama of every river’. This ‘mama of every river’ na the River Niger wey de enter Nigeria from Kebbi for west de run go east join the River Benue for Lokoja, and after, de run go south sote him de reach Atlantic salt water come-out for Benin and Port Harcourt. 

The word ‘Naija’ is used to refer to many different things. Sometimes the word ‘Naija’ is used to refer to the language that for a long time has been called ‘Pidgin’. Sometimes ‘Naija’ is used to refer to a country that is also called Nigeria. But long before there was a language called ‘Pidgin’ or ‘Naija’ and long before there was a country called ‘Nigeria’ or ‘Naija’, in some African languages the word ‘Naija’ was used to refer to the ‘mother of all rivers’. This ‘mother of all rivers’ is the mighty River Niger that enters Nigeria in the west near Kebbi and flows east to meet the River Benue near Lokoja and then flows south until it flows out into the Atlantic Ocean near Benin and Port Harcourt.

---

Bot dis mama of evri riva no ivun bigin for Naijiria sef. Bifo Riva Naija go rich Naijiria, im go don pas tru plenti oda kontri, laik Benin Ripoblik, Nije Ripoblik, Mali, and Gini. Riva Benue tu i no ivun bigin for Najiria. Bifo i go rich Naijiria, im go don pas tru Kamerun. Som pipul go tel yu se Riva Naija and Riva Benue bi laik tu opun hand we dem de invait eni-won we no get ples for ste mek dem kom byud haus dig graund mek fam for di ples we Naijiria de tude. So, for plenti tausand-tausand yia pipul de ronawe from Sahara de folo Riva Naija and Riva Benue kom setu for Naijiria. Na im mek pipul plenti wel-wel for Naijiria pas eni oda kontri for Afrika. Populeshon for Naijiria don pas populeshon for Roshia and for evri oda kontri for Yurop finish, and i no go te bifo populeshon for Najiria go bigin yuz sholda rob USA on sef.

Bot this mama of every river riva no even begin for Nigeria self. Before River Niger go reach Nigeria, him go done pass through plenty other country, like Niger Republic, Mali and Guinea. River Benue too he no even begin for Nigeria. Before he go reach Nigeria, him go done pass through Cameroon. Some people go tell you say River Niger and River Benue be like two open hand wey them de invite anyone wey no get place for stay make them come build house dig ground make farm for the place wey Nigeria dey today. So, for plenty thousand-thousand year people de runaway come-out from Sahara de follow River Niger and River Benue come settle for Nigeria. Na-him make people plenty well-well for Nigeria pass any other country for Africa. Population for Nigeria don pass population for Russia and every other country for Europe finish, and he no go te before population for Nigeria go begin use shoulder rub USA own self.

But this mother of all rivers doesn’t begin in Nigeria. Before the River Niger reaches Nigeria, it flows through many other countries like Niger Republic, Mali and Guinea. The River Benue also does not begin in Nigeria. Before it reaches Nigeria, it flows through Cameroon. Some people say that the Niger and Benue Rivers are like two open arms that welcome anyone who doesn’t have a place to stay to come build a house and make a farm in the area where Nigeria is today. So, for many thousands of years, people have been moving southward out of the Sahara into the Niger and Benue river basins to come and settle in Nigeria. This is why there are more people in Nigeria than in any other country in Africa. The population of Nigeria is now bigger than the population of Russia or any other country in Europe, and the population of Nigeria will equal the population of the USA by the year 2050.

Di Naija langwej bi laik di Riva Naija. Jost as di Riva Naija bin don de invait eni pesin, nomata di ples we dem from komot, mek dem kom sidon for Nigeria, na so di Naija langwej bin don de de invait eni pesin, nomata di langwej we dem sabi yan, mek dem tok Naija.

The Naija language be like the River Niger. Just as the River Niger been done de invite any person, no-matter the place wey them de from come-out, make them come sit-down for Nigeria, na so the Naija language bin done de invite any person, no-matter the language wey them sabi yarn, make them de talk Naija.

The Naija language is like the River Niger. Just as the River Niger has always invited anyone, no matter where they are from, to come settle in Nigeria, so has the Naija language always invited anyone, no matter which languages they already know, to also speak Naija.